إزاي ابدء شغلي كفريلانسر و انا محاسب
هو ممكن و انا محاسب اشتغل
فريلانسر؟!
نظرة على عمل
المحاسب الحر الفترة المقبلة
أولا زمان كان الي يقدر يشتغل محاسب حر هو المحاسب القانوني
, لانة بيكون مسجل في سجل المحاسبين و المراجعين سواء كان متاح ليه يراجع على
مؤسسات فردية و شركات اشخاص بس او شركات الأموال.
و ده بيكون شغله في الأساس كمراجع
خارجي و لازم يكون مسجل في سجل المحاسبين و المراجعين زي ما قولنا و دي بيبقى ليها
خطوات و طريق بيختاره خريج كلية تجارة الي محدد هدفة في انه يشتغل في مجال مكاتب
المحاسبة و المراجعه.
بس في الفترة الأخيرة بدء يحصل
تغيير كبير في شغل المحاسبة بداية من ان كل معايير المحاسبة في الدول بدءت تتعدل
بحيث اكثر من 90% منها بقى متوافق مع معايير المحاسبة الدولية و اتجاة الحكومات و
الدول انهم يفعلوا التعامل بالفواتير الالكترونية و رفع الاقرارات الضريبية من على
منصات الضرائب و الاقلال من التعامل بالاوراق حتى ان مكاتب المحاسبة و المراجعه
بدأت تتبنى سياية العمل من المنزل لموظفينها و استلام الملفات و مستندات الشركات
عن طريق الايميل و قللت من زيارتها للشركات التي تقوم بمراجعتها.
و نيجي هنا نبقى نقولك الفرص الي
المفروض انت كمحاسب تطور من نفسك و تكون جاهز ليها عشان لما تيجيلك تقتنصها , وهي
ان الشركات الصغيرة جدا الي بيسموها
" Microbusiness" لسة في مصربتبدء تدخل في الشمول المالي و دي حجم
تعاملتها كبير جدا و عبارة عن اقتصاد موازي فلما يبقوا ملزمين بانهم يكون عندهم
دفاتر محاسبية و يرفعوا الاقرارات الضريبية الشهرية و الربع سنوية على منصة
المنظومة الضريبية و التسجيل في نظام الفاتورة الالكترونية كل دي مجالات و خدمات
انت ممكن تقدمها للشركات دي و بنظام و عقد عمل جزئي او عقد عمل حر و مش بالضرورة
تكون موظف في المكان لانك مش ملزم بتواجدك بشكل دائم في المكان و ده مش هيقلل من
انتاجيتك بالعكس هيحفزك و
هيحسسك بقيمة وقتك و قد ايه هو مهم
و يعلمك ازاي تستثمر وقتك كويس.
الاستفادة من العمل الحر كمحاسب
بالنسبة لصاحب المشروع هو مستفيد و
موفر تكلفة لو انت موظف عنده و كمان اخد خدمة كويسة و بسعر تنافسي , لان خدمات
امساك الدفاتر و رفع الاقرارات الشهرية و التسجيل في الفاتورة الاكترونية مش
محتاجة انك تكون محاسب قانوني عشان تقدمها ,محتاجة بس انك تذاكر و تطور من نفسك و
دايما تبقى على علم بالخطوات و الإجراءات و التجديدات
الميزة في شغلك الحر انك بتتعلم تعمل علاقات من ناس خبرة
في مجالك و بتطور من نفسك على طول و فكرة التعليم عندك مستمرة طول ما انت شغال فلو
حاجه صعبة قابلتك في شغلك ممكن تستشير زميل ليك و يساعدك في نقطة معينة قصاد مقابل
مادي او تكونوا بتساعدوا بعض و بتفتحوا لبعض مجال شغل لو انت جالك شغل زيادة
الفترة دي او العكس , فجزئية العلاقات و التطوير المستمر دايما من صفات رواد العمل
الحر.
دايما أصحاب العمل الحر بيكونوا شاطرين لانهم بيتعلموا
يسوقوا لنفسهم و يبيعوا شغلهم للناس و مقيم نفسه ز دايما بيسعى لتطويريها و يعرف
قيمة الوقت , فانت كمحاسب مثلا في حالة خدمة تسجيل الدفاتر على نظام محاسبي معين
او على الاكسل بيجيلك شغل اكتر من نشاط و بتتعرف فية على أنواع حسابات مختلفة تضيف
لخبرتك و بتقدر في وقت اقصر من كونك موظف في مكان دوام كامل تتعلم و تكتسب خبرة
اكتر من السوق حتى ولو كانت في الأول على نطاق صغير ,فكونك انك بتعمل مصدر دخل
إضافي بجانب الوظيفة الدائمة ده بيساعدك على الإنتاجية بشكل افضل و معرفة قيمة
الوقت و تنظيمة و التطوير المستمر لنفسك و بيخليك مش قلقان لو قعدت في البيت لفترة
من غير شغل دوام كامل , او حتى تخطط في المستقبل لما يكون عندك عدد كبير من
المشاريع و العملاء بفتح مشروعك الخاص للخدمات المالية والمحاسبية و تبقى بدأت
مشوار النجاح من بدري.
ممكن ابدء
ازاي في مجال الفريلانس و العمل الحر كمحاسب؟!
أول حاجة بتقعد مع نفسك و تعمل “ SWOT
Analysis” على
نفسك و مش مره و لا اتنين , لا ده حتى بعد ما تشتغل تحدد معاد شهري او ربع سنوي و
تعيد تقييم نفسك و تعمل نفس التحليل و تقارن ما بين اخر مرة و المرات الي قبلها و
تشوف قد اية طورت من نفسك و هيكون في مقال بيتكلم عن ايه هي ال"SWOT Analysis" و ازاي تطبقة على نفسك.
و تبدء كمحاسب تتعلم ازاي تشتغل على
الاكسل و البرامج المحاسبية المشهورة زي QuickBooks و Peachtree و Odoo و
تعرف ازاي تعمل اقرارات القيمة المضافة و ضريبة الخصم و ترفعهم على منصة مصلحة
الضرائب و تتعلم ازاي تراجع على الدورة المستندية و اصدار الفاتورة الالكترونية ,
كل النقاط دي سهلة و في مصادر كتير على النت و اليوتيوب للتعلم و تطوير المهارات و
الخبرات في النقاط دي , و السهل ان معظمنا بيعمل الشغل ده في الوظيفة الدائمة او
جزء من الشغل ده و نقدر نتعلم من زمايلنا في العمل و نشارك خبراتنا فلو انا متخصص في
الضرائب ممكن اسأل زميلي المتخصص في الحسابات العامة عن أي نقطة واقفه قدامي في أي
المشروع الي انا بنفذه.
كل ما تزيد خبرتك كل ما تقدر تفيد العملاء باستشارات في مجالك , ممكن مجال
الاستشارات يكون بخصوص أنواع الشركات و إجراءات التأسيس و أنواع الضرائب و ايه افضل
نوع شركة في حالة كل عميل , و أيضا بخوص عمل الدراسة المالية لاي مشروع و اهميتة
لنجاح أي مشروع , و تلاقي نفسك بتبدء تدخل في اعداد الموازنات الخاصة بالشركات
والتقييمات و تبدء سلة العملاء عندك تتنوع ما بين شركات صغيره و متوسطة , و ممكن
تكون من الناس الي بتحب الشرح و التعليم فتقدر تدي كورسات لموظفين الشركات سواء
ورش عمل صغيره للتطوير او كورس شرح لشهادة مهنية زي ال CMA , IFRS , CPA و هكذا.
لية منصة “AccoutningClub.net “ اشترك فيها ؟
لأنها اول منصة متخصصة في مجال
المحاسبة و الخدمات المالية و مجتمع لكل المحاسبين والماليين تقدر تعمل علاقات و
تطلع على كل المنافسين و تشوف خبراتهم و ده يساعدك تطور من نفسك و تكون علاقات
قوية تساعدك في أي شغل بعد كده , ده غير قناه اليوتيوب الي بتلاقي عليها شرح
للشهادات المهنية و شغل المحاسبة بالشكل العملي , ده غير جزئيات كتيرة من حيث
سهولة التعامل مع المنصة و طرق الدفع المحلية و إدارة المشاريع و تنوع باقات
الاشتراك و العمولات مع وجود الاشتراك المجاني دائما.
AccountingClub
YouTube Channel
